БҮГД НАЙРАМДАХ МОНГОЛ АРД УЛСЫН

НИЙГМИЙГ АЮУЛААС ХАМГААЛАХ ЯАМНЫ САЙДЫН ТУШААЛ

БНМАУ-ын замын хөдөлгөөний дүрэм батлах тухай

БНМАУ-ын Сайд нарын Зөвлөлийн 1985 оны 96 дугаар тогтоолыг үндэслэн¹ ТУШААХ НЬ:

1. БНМАУ-ын замын хөдөлгөөний дүрмийг хавсралт ёсоор баталж, 1986 оны 1 дүгээр сарын 1-нээс мөрдсүгэй.

2. БНМАУ-ын замын хөдөлгөөний дүрмийг хэрэгжүүлэн биелүүлэх ажлын арга барилыг эрс сайжруулахын зэрэгцээ түүнийг хөдөлмөрчин олон түмэнд сурталчлан таниулах арга хэмжээг системтэй зохиож байхыг Улсын авто техникийн хэргийг шалган байцаах Газарт даалгасугай.

________________

- ^1/ БНМАУ-ын Сайд нарын Зөвлөлийн 1985 оны 4 дүгээр сарын 26-ны өдрийн 96 дугаар тогтоолын 2-т Замын хөдөлгөөний дүрмийг баталж байх эрхийг НАХЯ-нд шилжүүлэн олгож, улмаар тухайн үед мөрдөгдөж байсан (1966 онд батлагдсан) Замын хөдөлгөөний дүрмийг шинэчлэн боловсруулж 1986 оны 1 дүгээр сарын 1-ний өдрөөс эхлэн мөрдүүлэхийг даалгажээ. Үүнтэй уялдуулан мөн тогтоолын 3-т Сайд нарын Зөвлөлийн 1966 оны 354 дүгээр тогтоолоор батлагдсан дүрэм болон 1976 оны 356 дугаар тогтоолоор орсон нэмэлт, өөрчлөлтийг 1986 оны 1 дүгээр сарын 1-нээс эхлэн тус тус хүчингүй болсонд тооцохоор тогтоожээ.

(Дээрх тушаалаар баталсан дүрмийг ЦЕГ-ын даргын 1991 оны б/175 тоот тушаалаар хүчингүйд тооцсон)