БҮГД НАЙРАМДАХ МОНГОЛ АРД УЛСЫН
НИЙГМИЙГ АЮУЛААС ХАМГААЛАХ ЯАМНЫ САЙДЫН ТУШААЛ
1987 оны 12 дугаар сарын 16-ны өдөр |
Дугаар А/64 |
Улаанбаатар хот |
БНМАУ-ын замын хөдөлгөөний дүрэмд нэмэлт, өөрчлөлт оруулах тухай
Хөдөлгөөний аюулгүй байдлыг хангах ажлын практикаас урган гарсан зарим шаардлага, замын хөдөлгөөний дүрэмд хөдөлмөрчид, мэргэжилтнүүдийн санал хүсэлтийг тусгах, ЗХУ болон ЭЗХТЗ-ийн гишүүн орнуудын хөдөлгөөн зохицуулах ажлын арга, туршлагыг тус орны нөхцөлд нэвтрүүлэх, троллейбусны үйлчилгээ ашиглалтад орсонтой холбогдуулан замын хөдөлгөөнийг зохицуулах, зохион байгуулах үйл ажиллагааг боловсронгуй болгох зорилгоор ТУШААХ НЬ:
1. БНМАУ-ын замын хөдөлгөөний дүрэмд оруулах нэмэлт, өөрчлөлтийг хавсралт ёсоор баталсугай.
2. БНМАУ-ын замын хөдөлгөөний дүрэмд орсон нэмэлт, өөрчлөлтийг 1988 оны 6 дугаар сарын 1-ний өдрөөс эхлэн улсын хэмжээнд дагаж мөрдүүлсүгэй.
3. БНМАУ-ын замын хөдөлгөөний дүрэмд орсон нэмэлт, өөрчлөлтийг жолооч, хөдөлмөрчдөд судлуулж, сурталчлах, биелэлтэд нь хяналт тавьж ажиллахыг Улсын авто техникийн хэргийг шалган байцаах газар /хурандаа н.Ринчиндорж/-т даалгасугай.
НИЙГМИЙГ АЮУЛААС ХАМГААЛАХ ЯАМНЫ САЙД ДЭСЛЭГЧ ГЕНЕРАЛ |
А.ЖАМСРАНЖАВ |
(Энэхүү тушаалыг ЦЕГ-ын даргын 1991 оны б/175 тоот тушаалаар хүчингүйд тооцсон)
|