БНМАУ-ын НАХ яамны сайдын 1985 оны 6 дугаар

сарын 4-ний өдрийн 380 тоот тушаалаар батлав.

БНМАУ-ЫН ЗАМЫН ХӨДӨЛГӨӨНИЙ ДҮРЭМ

(НАХЯ-ны сайдын 1987 оны А/64 тоот тушаалаар оруулсан

нэмэлт, өөрчлөлтүүдийг тусгав)

Арван тавдугаар бүлэг

УАТХШБ АЛБАТАЙ ТОХИРОЛЦОН ЗӨВШӨӨРӨЛЦӨХ АСУУДАЛ

183. Дор дурдсан асуудлыг УАТХШБ албатай заавал тохиролцож зөвшөөрөл авна. Үүнд:

а) зам, гүүр, талбай, цэцэрлэг, барилга байгууламжийг барих, өргөтгөх, засварлахад замын хөдөлгөөнд саад бэрхшээл учруулах бол;

б) зам дээр хөдөлгөөнд саад болох ажил хийх, гэрэл тавих, мод тарих, зүлэгжүүлэх;

в) шинээр замын тэмдэг, хөдөлгөөн зохицуулах техник хэрэгсэл тавих, тэмдэглэл хийх, хөдөлгөөний чиг урсгалыг өөрчлөх;

г) төмөр замын гарам байгуулах, засварлах, өөрчлөх;

д) нийтийн үйлчилгээний тээврийн хэрэгслийн маршрут, буудлыг шинээр тогтоох буюу өөрчлөх;

е) замын хэсэг, явган хүний замд буюу түүний дэргэд зөөврийн худалдаа, мухлаг нээх, үзвэр, үзэсгэлэнгийн зүйл байрлуулах;

ж) тээврийн хэрэгсэлд тусгай дуут дохио, анивчдаг гэрэл тавих, бичлэг хийх;

/Энэ заалтад НАХ яамны сайдын 1987 оны А/64 тоот тушаалаар өөрчлөлт орсон/

з) замаар биеийн тамирын төрөл бүрийн бэлтгэл, уралдаан тэмцээн явуулах.