Mongolian Traffic Research Institute

Тэмдгийн овор хэмжээг тухайн замын нөхцөлд хэрэглэхээр заагдсан төрөл хэмжээнээс нь хамааруулж тогтооно.

Гурвалжин хэлбэртэй тэмдгийн хувьд түүний хүрээг багтаасан адил талт гурвалжингийн талуудын урт А, хүрээний өнцгийн дугуйралтын гадна радиус r хэмжээг дараахь хүснэгтээс сонгоно.

Тэмдгийн дугаар	Төрөл хэмжээ	А [мм]	r [мм]
1.1, 1.2, 1.5, 1.6, 1.8.а-1.11, 1.13, 1.17-1.19, 1.21-1.27, 3.3.а-3.3.в, 3.4	I	700	30
	II	900	45
	III	1200	60
1.7, 1.12, 1.14-1.16, 1.20	I	700	30
	II	900	45
	III	1200	60
	IV	1500	75

Зорчих хэсэг дээр богино хугацааны засварын ажил хийх үед хэрэглэх 1.20 тэмдгийн А хэмжээг 550 мм хүртэл багасгаж болно.

Харин 1.3.а,б тэмдгийн хувьд хийцийн шугаман хэмжээс нь тогтмол тоон утгаар илэрхийлэгддэг юм. Өөрөөр хэлбэл энэ тэмдгийн оврын хэмжээ нь тухайн байрлуулах замын зорчих хэсгийн эгнээний тоо, онцлог, нөхцөл байдлаас үл хамаарах бөгөөд аль ч төрлийн замд зөвхөн дараахь тогтмол үзүүлэлт бүхий хэмжээгээр хийгдэнэ. Тэмдгийн хүрээний өргөн 50 мм байна.

1.4.а-1.4.е тэмдгийн хувьд түүний хүрээг багтаасан өндрийн хэмжээ H, өргөний хэмжээ B, хүрээний өнцгийн дугуйралтын гадна радиус r хэмжээг дараахь хүснэгтээс сонгоно.

1.28.а-1.28.в тэмдгийн хувьд түүний уртын хэмжээ B, өндрийн хэмжээ H-г доорхи хүснэгтээс сонгоно. Хүснэгтээс харахад 1.28.в тэмдгийн уртын хэмжээ нь 1.28.а ба 1.28.б тэмдгийг бодвол харьцангуй их байна. Тэмдэг дэх чиг заасан сумнуудын үзүүрийн өнцөг 90° байна.

Тэмдгийн дугаар	Төрөл хэмжээ	H [мм]	B [мм]
1.28.а, 1.28.б	II	500	2250
1.28.а, 1.28.б	III	700	3150
1.28.в	II	500	3000
1.28.в	III	700	4200

Анхааруулах тэмдгүүдийн гадна эмжээрийн өргөн 10 мм байх бөгөөд хүрээ, эмжээр хоёрын завсар хоорондын зай мөн 10 мм байна. Шаардлагагүй гэж үзвэл 1.1-1.3.б, 1.5-1.28.в тэмдгүүдийг гадна эмжээргүй хийж болно. Харин 1.4.а-1.4.е тэмдгийг заавал эмжээртэй хийнэ.