1. Салхины шилний голын дээд хэсэгт байрлах дотор толийг гараараа барьж суурин дээр нь хөдөлгөж тохируулах бөгөөд чанх араас яваа автомашины дүрс толинд голлож байхаар байрлуулна. Толины доод ирмэгт байрлах жижиг хөшүүргээр тусгалын өнцгийг өөрчилж харанхуй үед араас яваа автомашины гэрлийн гялбааг бууруулна.
2. Гадна талын баруун, зүүн толиудыг зарим автомашины хувьд мөн гараар хөдөлгөж тохируулах бөгөөд харин сүүлийн үеийн автомашинуудын хувьд автомат удирдлагаар хөдөлгөж тохируулна. Эдгээр толины тусгалын талбайн өргөний дөрөвний нэг орчим хэсэгт таны автомашины хажуу гадаргуу цухуйж харагдаж байхаар, мөн доороосоо тал хэсэгт нь замын гадаргуу харагдаж байхаар тохируулна.
