ОРОН ОРНЫ ЗАМЫН ХӨДӨЛГӨӨНИЙ ДҮРМИЙН ТҮҮВЭР СУДАЛГАА

 

Люксембург улсын Замын хөдөлгөөний дүрмийн онцлог заалтууд ба

зөрчил гаргагсдад хүлээлгэх хариуцлага

 

Люксембург улсад тээврийн хэрэгслийн хурдны зөвшөөрөгдөх дээд хязгаарлалыг дараахь байдлаар тогтоожээ:

- суурин газарт цагт 50 км;

- суурин газрын гаднах замд цагт 90 км;

- тууш замд цагт 110-130 км.

 

Тээврийн хэрэгслийг 12 дугаар сарын 1-нээс 3 дугаар сарын 31-ний хооронд зөвхөн өвлийн дугуйтайгаар ашиглахыг зөвшөөрнө.

 

 

Люксембург улс согтууруулах ундаанд тавьсан хязгаарлалтаараа Европын улсууд дотроо хамгийн зөөлөн орны тоонд зүй ёсоор тооцогдоно. Учир нь Европын ихэнх улс орон жолоочийн цусан дахь спиртийн зөвшөөрөгдөх дээд хэмжээг 0.4-0.5 промиллоор тогтоосон байдаг бол Люксембург улс үүнээс бараг 2 дахин их буюу 0.8 промиллоор тогтоосон байна.

 

Монгол Улсын Замын хөдөлгөөний дүрэмд заасантай нэгэн адил Люксембург улсад тээврийн хэрэгсэл жолоодож яваа үедээ “Hands Free”-гүй (гарны оролцоогүйгээр ашиглах боломжгүй) гар утсыг хэрэглэхийг хориглоно.

 

Зөрчил гаргагсдад хүлээлгэх бага зэргийн торгууль (10-60 евро)-ийн шийтгэлийг замын цагдаагийн ажилтан газар дээр нь шийдвэрлэдэг бол харин томоохон торгуулийн төлбөрийг заавал банкаар гүйцэтгэх шаардлагатай болдог байна.

 

 

Зөрчил гаргагсдад хүлээлгэх хариуцлага:

- хурдны зөвшөөрөгдөх дээд хэмжээг цагт 20 км-ээс илүү хэтрүүлсэн тохиолдолд 50 еврогоор торгох шийтгэл ногдуулна;

- тээврийн хэрэгсэл жолоодож яваа үедээ гар утсаар ярьсан бол 74 еврогоор торгох шийтгэл ногдуулна;

- улаан гэрэл дохиогоор нэвтэрсэн бол 145 еврогоор торгох шийтгэл ногдуулна;

- согтуугаар тээврийн хэрэгсэл жолоодсон тохиолдолд 1250 хүртэл еврогоор торгох шийтгэл ногдуулна;

- гүйцэж түрүүлэх журам зөрчсөн (хориотой байдлаар гүйцэж түрүүлсэн) бол 1450 еврогоор торгох шийтгэл ногдуулна;

- хориглосон газарт тээврийн хэрэгслээ зогсоон байрлуулсан бол 25 еврогоор торгох шийтгэл ногдуулна.

 

««..Өмнөх хуудас

Дараагийн хуудас..»»